Skip to content

Kwédé Lokans (Revue NEG)

Awno Josué
Popularity · Low
🇭🇹 Haitian Creole · Original

Listen

YouTube

0:00 / 0:00
Loading YouTube player...
Lyrics offset
Synced

Lyrics

Yéla pèp solèy Nèg babò, tribò é lòtbò! Mi on van lévé, èvè on nouvo lokans Apa on kri ki sòti an fon a gòj Sé on kri ki sòti lwen, lwen, lwen! An fon zantray A zansèt ki té ka fann kann Pou rézoné an nanm aw jòdi jou! É menm si kò aw ni pwa a listwa, sékèl a plizyè jénérasyon Fòw sav té ni on tan, pa té ni mirwa ki té ka fèw vwè jan nèg té bèl Sé zyé a bouwo la ki té ka fè lalwa Djel ay ki té jij É volonté ay tousèl ki té bondyé Alò démouné moun vin endistriyèl kon lizin lèw gadé byen É apa yè sa fèt! Pa palé kréyòl! byen palé fransé! Menm lèw pran sonmèy lang a molyè ka pèrsékitéw chè Pa lésé sa fèt! Nou ja palé endèmnité a tout èsklavajis Nou sav! Mè ka nou fè nou ki sav? Tanbou o lwen ni bon son davwa sé son a libèté frè! Tout koté nèg dépoté tanbou ka sonné frè! Kongné a vélo po fin travèsé lèspastan Ou sav tann li an mawkaj a jèn moun jodi jou Fo nou sizé ansanm pou palé Fèmé lawonn Sé nou menm nou menm Yo awmé nou pa pawné, an nou arété èvè sa osi Kilti la nou ni la pli fò ki tout fizi nou pé dépann pou ripòsté douvan mépri kolonyal Tout manblo ka santiy an nannan ay a chak kou bas Chak toumblak Menm on graj gramatikal pé fè yo mal Tout wòch nou ja voyé po finn rikoché si nou menm Alò sé fè kabòch é konprinèt sèvi Kwédé sé ki pou mémwa ki lèspwa Pon mou pé déchoukéw si apa vou menm aw! Sa ki sèvi yè pou baw lyann Pé pa rédéw jòdi pou byen doubout Sé pétèt pou sa nou antravè?! Drapo la té blan mè a fòs I pran san I vin wouj Alò soukwé drapo la kanmenm sa Davwa fo yo sav poukwa nou bon Fo Sé la ki adan nou osi pa oubliyé sé mésyé méchan é san wont Doubout Yo kenbé rèd douvan misyé la ki kenbé. fwèt la Alò doubout! Kenbé rèd douvan sistèm la ka kenbé lwa la Frè é sè Kenbé. rèd douvan misyé. la ka kenbé fizi la Kwédé kivédi chivé gréné É mwen anvi di zot Fout zò bèl nèg!