วอนฮักบุญพระลับ
บิว จิตรฉรีญา
Popularity · Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
บุญฮอดยอดเกี้ยวทางไกลเลี้ยวกะเทียวมาหา
กะย้อนบุญวาสนาชูผลาให้มาจ่องน้าว
ฮอดมื้อสมมาบูชาพระลับนับเป็นบุญเฮา
ตามฮีตตามคองเฮ็ดนําผู้เฒ่า
มาพ้อผู้บ่าวออนซอนเด้อ้าย
ฮอดยามเมื่อบุญเดือนห้า
คราวคิมหันตราหน้าร้อนมาแทน
เจอะพ่อแก้มแป่นแว่น เจอะพ่อแก้มแป่นแว่น
เอิ้นกันว่าแฟนในมื้องานบุญ
เป็นประเพณีโบราณสืบสานฮอยพุทธคุณ
สมมาพระลับให้หนุนอ้ายเอาดอกคูณมาเหน็บหูให้นาง
หัวใจเป็นกะเตอะต่างล่าง หัวใจเป็นกะเตอะต่างล่าง
เจ้าบอกฮักนางเป็นต่างล่าง ต่างหล่าง ต่างล่างกะต่างล่าง ต่างล่าง ตะหมอบตอบนั่งเฮียงกันมื้อนี่
มื้อหน้าอย่าสิหลง บุญสรงพระคู่เมืองคู่บ้าน บุญสรงพระคู่เมืองคู่บ้าน จนเป็นตํานานคู่บ้านขอนแก่น
สายแนนสองเฮาพบพ้อน้ออ้ายจั่งแม่นดี
วอนไหว้ขอบารมีพระลับช่วยทีให้ลูกสมหวัง
อย่าให้รักเราเพพัง ให้ยืนอยู่ยั่งคู่ครองนิรันดร์
ด้วยใจศรัทธา ย้อนบุญผลาไห้มาพบกัน
ตัวอ้ายอย่าเปลี่ยนแปรผัน
มื้อสัญญากันเด้อบ่าวขอนแก่น
มื้อสัญญากันเด้อบ่าวขอนแก่น
เอิ้นแฟนก็แทนทุกความรู้สึก
ส่วนในลึก ลึก ใจน้องฮักอ้ายหลาย หลาย
อย่าตั๋วอย่าหลอกฟังน้องบอกแหน่เด้อพี่ชาย
อย่าถิ้มให้น้องเสียใจปีหน้าฟ้าใหม่ ให้หวนมาเจอ
อย่าเผลอนิอย่าพาลอย่าพั้ง อย่าเผลอนิอย่าพาลอย่าพั้ง
ไปให้ความหวังกับสาวบ้านอื่น อย่าให้น้องหมื่นโคมคะลาดล้ม
จมดิ่งแม่นบ่ฟู ให้ได้เคียงคู่สุปีเด้ออ้าย
ฮักสมดังหมายวันสรงน้ํา วันสรงน้ํา
โอ้ยสงกรานต์น้อละมาถึงแล้ว
บุญเดือนห้ายามสมมาบูชาพระลับ กะจับขันหอมยอน้อมสรงน้ํา.....ใด
แล้ว อย่าลืมมื้อนี่เด้ออ้าย ขันมาลา ไหว้พระธาตุนครเดิมนํากัน สัมพันธ์ละให้อ้ายจ้ําจื่อ
อ้าย บัดนี้ละสิได้ลาจาก สิได้พราก ฮอดปีหน้าจั่งมาพบกัน อย่าลืมน้องเด้อ ละพ่องามคนใคร ให้แพงหัวใจ แหน่ละบ่าวขอนแก่น เด้อ ฮักเด้อละฮักเด้อเด้ออ้าย
ดอกคูณเสียงแคนมาขอนแก่นกะได้แฟนพร้อม
อยากสิคดล้อมอ้อม อยู่เกี้ยวใจเจ้าแท้น้อ
มื้อบุญพระธาตุ อย่าตัดอย่าขาดเด้อฮักเฮาก่อ
อย่าให้น้องตําตอ ล้มท่วนม้วนลงกับที่
คือปลีละสิลากกกล้วย คือปลีละสิลากกกล้วย
คือขันกระบวยสิลาน้ําลาแอ่ง อย่าเปลี่ยนแปลงลืมแยงอิน้อง ซ่อยประครองเด้อองค์พระลับ อย่าลาลับ ลาเลยลาล่วง
ให้คืนมาทวงสัญญาเด้อ ปีหน้ามาทวงสัญญาเด้อ