Skip to content
Lyric
Dive
Public playlists
My playlists
Search
Sign in
اجزخانة
Maro Archive
Popularity · Low
+
🇦🇪 Arabic · Original
0
0
Listen
YouTube
1
2
3
0:00 / 0:00
Loading YouTube player...
Lyrics offset
Synced
Lyrics
Original
Translation
Bilingual
ما بـ- ما بـ- مابـ- مابـ- ما بقاش سر
ما بـ- ما بـ- ما بقاش سر
أعوز أذاكر، أفتح الدراسات وأسيب الجبر
أعوز أريّح، فأتمدد على قضيب القطر
على السوشال يا إما تعمل سندباد يا إما تعلن إكتئاب
أبتدي بالإسم ولا الحرف ولا الفعل
كلِم السمسار، صاحب البيت غلّى السعر
وهنا كل حاجة بتغلى إلا كلمة الشرف
ولما الحاجة بتبقى دُغري نحب نيجيلها من ورا
بس الإنجاز قد كده، لازم نقيس بالمسطرة
ولازم المِستر أجبرك
لازم المِس تكدرك
طب وأنا؟
رحت للمصير، قلتله ها بقى
قالي هو إنتَ لسه شفت حاجة؟
يا عم فِهمنا
خلاص بقى إتنيّلنا
هنقعد نتكتم إشرحلنا، إنتَ كبيرنا
مش فاهم إنتَ عايز مني إيه
مش مهم إني إتأخرت، المهم إني جيت
وأنا في إبتدائي كنت بسأل نفسي "إزاي؟"
وأنا في إعدادي كنت بسأل نفسي "إمتى؟"
وأنا في الجامعة بدأت أسأل نفسي "ليه؟"
دلوقتي بسأل جوجل "فين الأجزخانة؟"
ومش بعرف آخد أوامر وأبقى ماشي بخط سير
قصدك إيه؟ نفسية طالعة نازلة في أسانسير
فبتغابى وببقى الشخص اللي يقفّلها ليلة الإفتتاح
مش عايز ألاقي عُقَدي بتبعدني ع النجاح
بكره إن أنا طيب
بكره إني بكره إن أنا طيب
مزاجي زفت ومش عارف إفادة حب الناس
نفسي أنسى ٢٠١٦ من غير ما أصب كاس
بدخل جحر الحزن، أشوف بس مين اللي هيسأل
وبتخيل لو إختفيت، إيه اللي هيحصل؟
طب لما أرجع هيتبسطوا إن أنا جيت؟
بنسى إن الإهتمام عمره ما إشترى بيت
في حوار مع واحد ما بيسمعش فمليت
من المسؤولية إستخبيت
بس إن حد يعاتبني لأ ده عيب
مش مهم إني إتأخرت، المهم إني خفيت
وأنا في إبتدائي كنت بسأل نفسي "إزاي؟"
وأنا في إعدادي كنت بسأل نفسي "إمتى؟"
وأنا في الجامعة بدأت أسأل نفسي "ليه؟"
دلوقتي بسأل جوجل "فين الأجزخانة؟"
بايع القضية، بايع القضية
كلام سلبي مش حوار
بايع القضية، بارد
شايف في المراية ليه الناس كلها إختفت
بارد، بايع القضية، بايع القضية
بارد، مؤذي
كلام سلبي مش حوار
بايع القضية، بايع القضية، بارد
شايف في المراية ليه الناس كلها إختفت
ده طريق اللانهاية
مسك الخريطة هيخليك شغال قراية
موتوري عطل، تانك الديزل قال كفاية
وسط جبال لو جابت ليل حتى الجريء محتاج حماية
بس النقطة السودا بارزة
ولا نقطة بتبقى شاربة
جت بالصُدفة التوبة خارجة من بُقّها
الكلمة سلعة في السماوات تتباع
بهاجم الحياة بألوان الدفاع
قلقان جَت حوادث
شعبان لعند مارس
تعبان ما عادش حاسس
زهقت وصوتي قافش
وطلعت الدور الهامش
نومي عسل وأنا بتاع معاكسة
شبعت منه، جاب أحلام بطعم النكسة
مغمض عيني، جت أفاعي
برضه رافض أبقى واعي
في العصر الفضي هنتاجر في الحروف ونغش بعض
بقيت بكاش، طلع دفع القسط صعب
أكل العيش أمر من المُر
والنسيان أضر من الشرب
الخبث مُزّة، فبحب الإحترام
أمل مشيت لسه في حتة الخصام
ماشي سالانسيه برعاية قشر البيض
رجعت في يوم لقيت حاجتها مش في البيت
في الفصل كنت غايب، مستقبلي في رقبتي
فإفتكروني خايب بس علمت نفسي
وداني القطر لمحافظة التعالي
رجعني الزمن لمحطة المعادي
مِغَمّي عيني، بدور ع القرار
أفكار ممنوعة صوّرها الرادار
قلت لأعصابي هبهدلك لو تعبتي في الـ ٦٥
القدر ما بينهز شباكه حتى لو كان مين
الشفقة مصابة بالشيخوخة
متجهة بالراحة للغيبوبة
يا أسطة ليه بتفتكر لنفسك وبتنسى ليا؟
عشان جدار الإحتياج حايش الإنسانية
وإكتشفت بعد تفتيش ماضيا
إني زي محامي في الڤاكانس ما عنديش قضية
وأنا في إبتدائي كنت بسأل نفسي "إزاي؟"
وأنا في إعدادي كنت بسأل نفسي "إمتى؟"
وأنا في الجامعة بدأت أسأل نفسي "ليه؟"
دلوقتي بسأل جوجل "فين الأجزخانة؟"
بكون الشخص، مؤذي
مؤ-مؤ-مؤ، بارد
كلام سلبي، كلام سلبي مش حوار
بارد، بارد، ما بقاش سر
بكون الشخص، بكون الشخص
مؤذي، مؤ-مؤ-مؤ-مؤ، بارد
كلام سلبي، كلام سلبي مش حوار
بارد، بارد، ما بقاش سر
خوفي الوحيد هو خوفي مني
الصبر مُر بس اليأس موتي وسمي
قُلتلها في عز ما إنتِ همجية بتترددي
حلاوة العالم إنه مش منطقي
مثلاً إتشال الطبق من قدامي ولسه بآكل
مش فاهم التفاهة في التفاؤل
مش عايز ضلمة، فتحت اللمبة
آخرتنا إتنين متر تحت الرملة
طموحي بيتسرع ويتوه
فقلت أمنياتي لنجمة بتطلع في الروح
عايز أشوف العيلة كل سنة أعلى
عايز أعيش ومش هدوّر على معنى
شايف في المراية ليه
بكون الشخص، بكون الشخص
ما بقاش سر، ما بقاش سر
شايف في المراية ليه بكون الشخص
وأنا في إبتدائي كنت بسأل نفسي "إزاي؟"
وأنا في إعدادي كنت بسأل نفسي "إمتى؟"
وأنا في الجامعة بدأت أسأل نفسي "ليه؟"
دلوقتي جوجل بيتطمن، قالي "ما بتسألش ليه؟"
شايف في المراية ليه بكون الشخص
ما بتسألش ليه؟
شايف في المراية ليه بكون الشخص
ما بتسألش ليه؟
شايف في المراية ليه بكون الشخص
ما بتسألش ليه؟
شايـ-شايـ-شايـ-، بكون الشخص
ما بتسألش ليه؟
شايف في المراية ليه بكون الشخص
بكون الشخص
ما بقاش سر، ما بقاش سر
شايف في المراية ليه بكون الشخص
شايف في المراية ليه بكون الشخص
شايف في المراية ليه بكون الشخص
شايف في المراية ليه بكون الشخص
شايـ-شايـ-شايـ-، بكون الشخص