Hittusk Æsir (Völuspá, 7-10)
Popularity · Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
Hittusk æsir
Á Iðavelli,
Þeir er hörg ok hof
Hátimbruðu;
Afla lögðu,
Auð smíðuðu,
Tangir skópu
Ok tól gerðu.
Tefldu í túni,
Teitir váru,
Var þeim vettergis
Vant ór gulli,
Uns þrjár kvámu
Þursa meyjar
Ámáttkar mjök
Ór Jötunheimum.
Þá gengu regin öll
Á rökstóla,
Ginnheilög goð,
Ok um þat gættusk,
Hverir skyldi dverga
Dróttir skepja
Ór Brimis blóði
Ok ór Bláins leggjum.
Þar var Móðsognir
Mæztr of orðinn
Dverga allra,
En Durinn annarr;
Þeir mannlíkun
Mörg of gerðu
Dvergar í jörðu,
Sem Durinn sagði.