Skip to content
Lyric
Dive
Public playlists
My playlists
Search
Sign in
هموم الغلابة
سمسم شهاب
Popularity · Low
+
🇦🇪 Arabic · Original
0
0
Listen
YouTube
1
2
3
0:00 / 0:00
Loading YouTube player...
Lyrics offset
Synced
Lyrics
Original
Translation
Bilingual
جوايا جرح وهموم ودموعي جوه عينيا
وعشان أطمن قلبي قولت أمشي لوحدي شوية
كنت بحاول أنسى عذابي وأهرب من الدنيا وأحبابي
لكن شوفت بعينى حاجات خليتني أعيد تاني حسابي
شوفت في ناس تايهين من روحهم
فاكرين الكيف هيريحهم
باعوا الدنيا بكل ما فيها وقاعدين يشكوا
وقاعدين يشكوا، وقاعدين يشكوا لبعض جروحهم
ولقيتني من غير ما أحس أنا رايح ليهم وبكلمهم
عايز آخد وأدي معاهم وأعرف منهم إيه اللي جرالهم
إيه خلاهم كده تايهين وبروحهم كده مش حاسين
(إيه خلاهم كده تايهين وبروحهم كده مش حاسين)
ويا ترى هما اللي بيستقووا ولا يا ناس هما المساكين
روحت لواحد فيهم تايه قولتله: "إيه جواك؟ احكيلي"
قاللي: "أنا بهرب من اللي أنا شايفه" وفضل ساعة يا ناس يشكيلي
أب وفاتح بيت وعياله هما حياته وشاغلين باله
(أب وفاتح بيت وعياله هما حياته وشاغلين باله)
والمطلوب منه يعيشهم بس الغلى كده شقلب حاله
ولقيت واحد حسيت إنه حمله تقيل وبجد حزين
قاللي لما سألته: "أنا سني قرب على الـ٣٥
عمال يجري بيا العمر وأنا واقف ومحلك سر
(عمال يجري بيا العمر وأنا واقف ومحلك سر)
خدت شهادتي وعمال أعافر والدنيا دي سقياني المر"
ولفت نظري واحد قاعد شكله حزين وعينيه في الأرض
وحكالي حكايته وكان خايف يسمعها بجد يا ناس حد
اللي بيصرف على البيت أخته علشان باع نخوته وشهامته
(اللي بيصرف على البيت أخته علشان باع نخوته وشهامته)
غمض عينه على اللي بيحصل ساب كده أخته تقل كرامته
وعينيا كده لمحت واحد شايل جواه حمل جبال
قولتله: "مالك؟ فضفض واحكي"، قاللي: "ما عنديش حاجة تتقال
بعد ما راحت أمي الغالية وسابتني وغضبانة عليا
(بعد ما راحت أمي الغالية وسابتني وغضبانة عليا)
مش قادر كده أسامح نفسي ولا أريح قلبي ولا عينيا"
وقبل ما أسيبهم شوفت بعيني شاب صغير كده مش هامه
عمال يصرف كده بسهولة ومفيش حاجة بتحرق دمه
أمه وأبوه سايبينوا براحته، فاكرين إن المال فيه راحته
(أمه وأبوه سايبينوا براحته، فاكرين إن المال فيه راحته)
عمال على بطال يدوله ولا عارفين بقى فين مصلحته
ومشيت بعد ما شوفت حالتهم لكن كان في سؤال جوايا
إيه خلانا نضعف وبنهرب وبنكتب لحياتنا نهاية؟
ملقيتش جواب غير إننا مبقاش قلبنا على بعضنا
(ملقيتش جواب غير إننا مبقاش قلبنا على بعضنا)
توهنا في دنياتنا الكدابة ونسينا يا ناس كده ربنا
ونسينا يا ناس كده ربنا