Im Letschte Tram
Polo Hofer
Popularity · Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
Im letschte Tram, so spät am Abe
Unterwägs, zu dr Endstation
Het mänge sini Troim begrabe
U mänge wett, er hätt meh Lohn
Dr Himmu hanged zwüsched de Dächer
Dr Mond gseht us wiene Zitroneschnitz
I dr Altstad fülle sie no dr Bächer
U d Meitschi mache d Giele spitz
Die lustige Wittwe, u die junge Gselle
Sie stige ii, sie gsehs nüm so klar
Sie si go ihri Sehnsucht stille
Jede für sich, i sini Lieblingsbar
Für mi sie si irgendwie Helde
Sie hei so viu mit mit gmeinsam
Mir hei doch alli, nüt meh z mälde
Scho gar nid uf en letschte Tram
Chaschs gsorged gäh, im letschte Tram
Mer cha der nüt me näh, im letschte Tram
Mueschs näh wies chunnt, im letschte Tram
I sore späte Stund
U d Madonna, hanged ar Tilli
Si luegt mi aah, aber sie gseht mi nid
U d Mona Lisa, lächlet für vieli
Sie chläbt am Fenster, näbed em Bankkredit
Fahre dür Fahrverbot, u Strasseschilder
Verbii ar Wärbig für ne Schlangefrass
Verlogni Sprüch, u falschi Bilder
Verspräche Freiheit, verspräche Gspass
Wie chan e Mensch, die Wält ertrage?
Wenn är so viu Bschiss muess gseh
Aber i ma nid grüble, u mi nid plage
Ha müedi Füess, u dr Chopf tuet mr weh
Ha gmeint du würdisch uf mi warte
Ha gmeint i passi, dir i Chram
Da ha di gseh schmuse, mit eim im Garte
U da bini haut uf ds letschte Tram
I chas gsorged näh, im letschte Tram
Me cha mer nüt me mäh, im letschte Tram
I nimmes wies chunnt, im letschte Tram
I sore späte Stund
Ja wed mi glich no wotsch gseh
De weisch ja woni bi
Bi ufem Tram, chasch ja zuestige
Zum Bispil bim General-Guisan Platz
Oder bim Militärgarte
Oder bim Schützegarte
Oder bin Viktoriaplatz
Oder bim Hänkersbrünnli
Bim Galgefäld
Bim Friedhof
Oder gar bim Chindlifrässer
Und überhoupt: Wieso händ alli Haltstelle söttigi Näme?
Ufem letschte Tram
Im letschte Tram
S chunnt alles uus, im letschte Tram
S git kei Bluemestruss, im letschte Tram
Bringt dir niemer dr Schmuus, im letschte Tram
Dr Schuss isch duss, im letschte Tram
Mueschs nöh wies chunnt, im letschte Tram
I sore späte Stund, im letschte Tram
S isch nümme wiit, mitm letschte Tram
S isch höchschti Ziit, im letschte Tram
Da weisch was drinne ligt, im letschte Tram