Monologue

Aminoffice

Popularity · Low

🇦🇪 Arabic · Original

Listen

YouTube

0:00 / 0:00

Loading YouTube player...

Lyrics offset

Synced

Lyrics

أنا الحمق أنا لي متبوع بالحجر والغوت مول صوت الغم مول صوت البرودة بالغمال من ضهري منعوت فشكل عند لي ما يعرف يشكل، يمكن أنا لي شكلت بزاف احترمت السطر، لقيت راسي مكبر بسطل تلاح من بين الجوقة يناضل على قلة فهامتو بغاني نحط الميكرو، يمكن وراقي محنو ليه عقليتو أنا تاريخ ما ختاريتوش تلوموني لاش عليه كن عزلت نخدم فالفرناتشي، كن تبعاتني الموسيقى والتيه شحال من عام وأنا نعامل مزيان الصحاب كانو كي الذهب صبر على هذا، ودوز لهذا ماتربيتش نعاتب حتى وليت سيكاطريس فوجه الراب المغربي حيت تشكيت على قلة الإحترام، صدق عندهم هذا عيبي أنا مغني الراب الحي الميت مابقيتش نجري باش نتسمع الجهد برديتو ملي الجمهور كلا مخ الضبع أمينوفيس ضاعت لي حلاوة الراب بقا غي الڤيس قديم قبل البوعارة بغيت الدوزة بالكرامة ماشي باللحيس ماشي بالبوطوكس فالموسيقى، لوجه ضاوي شارع ولداخل زنيقة، فرحاتك بالشعاعات يا عتيقة أنا لي حليت الباب فاش جيتي طالب ضيف الله داك الدري لي فرش فالأرض ونعسك بلاصتو و غطاك بغطاه "لي كنت معاك ف"كنا" و ما صرتش معاك ف"صرتو كان الصاحب ماتت الصحبة، اليوم بقا غي بنادم و مصلاحتو مهور و نية فالكتابة، بوهالي حوايجو فالرزمة خليتها ليكم سخنو بيها، كيف ما ذقت، غاذوقو الأزمة يمكن ربحتو وأنا خسرت كانڭولها لكم غلباتني عزة النفس، من داكشي الرفيع الصنطيحة ديالكم ولد الكانة وتقلاب الميزاج، ماش لخاطري قلبت على حمية د السبوع، طحت فقطيع النعاج بغيت نغني الراب، ساع الراب غنى علي، ما كنسبش الدين غيمزكوني الوالدين، ماكانسبش بالي بين الرجلين لعاب محترف فالإحتياط، حيت أنا المدرب، أنا الفرقة المركب، أنا قط يتفرج، و الفيران فالجديب هذا ماشي برهان بالي تسطيت هذا الظهير ديال الدولة ديالي لي بنيت علقو عندك فالبيت و عرف بالي كاين بين الجمهور الكوانب أش غدير كاين الفنان لي يربيك والي يهديك القوالب ماشي انا لي خسرت و لا غانخسر الجيل يالاه نتكافى فصليح راسي سولو علي ولاد باب شعفة، و ولاد وبوطويل أنا على ود الضومين الرباط طلقني فالضواوات وتلڭاتني سلا فالظلمات الطوبات فالزبالات ماشي نكار، عاقل على الخير، كثر خير الواليدين على التدويرة كثر خير الفلوكة، كثر خير السوق الكبير شري لاتانت وصبغ الحوايج قبل مالقيمة تكشف طلع لرباط شري الحضارة و تلف أنا لي سديت على شلا دراري، هوما يڭولو من والو وانا نڭول مايضركش البراني، غي لي كان عزيز بفعايلو ما جيتش و سديت علي فالبيت وطلقت الدنيا الخلوة سبابها القهرة، سلا والزهر خطية مقيوس فخاطري من حالة الموقف والنفوس لي موراه مقيوس حتى من الجنون، ما قالوني حتى غلبني الله عرف شنو تكون، كون غي راجل، يالصدر يا الرضاعة يالدراع يالإشاعة، أنا المؤلف ماشي المطبعة يحسن عوانكم يالي دخلتو فالبيز، صعاب عليكم ترجعو للأصل مبروك عليكم التلفة والدهليز انتوم بعدا طالبين التعادل، التكميشة والساروت ماشي كي لي باغي الربحة بسبان الدين والخوت اليوم على ود الهيبة والسمية الزعامة فالبوق غدا تكمل قرايتك برا، إلا شفتي الخازوق ماشي الراب لي غيغير، فساد الأمة خاسو طوفان ويمكن يرجعو للقرأن معروفة أخرتها دخان البراهش ولاو - 18، الكبار +60 فرحات لي بقا فيه غي عجب الذنب، حتى الشياب مفتونين الله يعطينا معاكم الصبر، ويعطيكم معانا تقديرات حيت إلا حفات حفات، غندير قصبة و غادي نولي حوات