De Mots Ricos No Tem Peire Vidal
Popularity ยท Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
De mots ricos no tem Peire Vidal
ni N'Albertet de sa votz a ben dir
niยทN Perdigon de greu sonet bastir,
niยทN Pegulhan de chansos metr'en sal,
ni de gabar sos chans N'Arnaut Romieu,
ni de lausar Fonsalada son fieu,
niยทN Pelardit de contrafar la gen,
niยทN Gaulaubet de viular coyndamen.
Donc, mas tan say qu'un d'elhs temer noยทm cal
d'aquelhs mestiers don m'auzetz descubrir,
ben es razos, segon lo mieu albir,
un sirventes -e pueis que parlem d'al-
comens ades, queยทl fassa tost e lieu,
ab queยทls mostre, sitot lur sera grieu,
que Dieus m'a dat tant d'albir e de sen
qu'ensenhar puesc tot lo pus sapien.
Aissi quoยทl fait del rey emperial
de Castella val mais, ses tot mentir,
que de nulh rei qu'om puesc'el mon chauzir,
son sirventes qu'ieu fas, plus natural
que de negun dels trobadors, per Dieu,
s'esmeron mielhs que l'aurs el fuec arden,
on pus lo au totz hom qui beยทls enten.
La lengua vir on la dent mi fa mal
eยทl cor vas selhs ont hom noยทs pot jauzir;
so soยทl baro malvat, cuy Dieus azir,
que an baissat a pretz son fieu sessal,
q'us noยทl mante ni vol seguir son trieu
si quon degra; per soยทls en blasmi eu
aitant quan puesc ab mon chantar soven,
et ai m'en datz d'enemicx mais de cen.
En res noยทm tem si quascus mi vol mal
de ricx malvatz, q'us noยทm pot abellir
ni pretz donar, que s'us al sebellir
portes liatz mil soutz al corporal,
noยทm saupra mal, fe que dey Sant Andrieu,
quar son escas, cobe plus que juzieu;
e ja negus lo pretz d'un ayguilen
noยทn portara, mas paupre vestimen.
Pueys remanran l'aver, si Dieus me sal,
ben leu a tals que fan per filhs noyrir,
queยทs cujaran sian lurs, ces falhir,
que noยทy an part plus qu'ieu a cuy non cal,
quยทl metran tost, fassaยทm o vil o lieu,
que si negus ja n'albergon romieu
per que l'arma truep ab Dieu chauzimen,
yeu trairai viu quascun del monimen.
E sep qui pert lauzor e pretz a Dieu
per filhastre queยทs cug sia filh sieu,
yeu dic d'aisselh que, per dreit jutjamen,
deu en ifern per mais traire turmen.