Khazade (Brynner's Drum Version)
Popularity · Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
ܚܲܨܵܕܹ̈ܐ ܩܘܼܡܘܿܢ ܚܸܨܕܲܢ ܚܵܨܕܲܟ݂ ܠܹܗ
ܥܕܵܢܵܐ ܡܛܝܼܬܵܐ ܝܠܵܗ̇ ܢܝܼܪܲܢ ܫܵܡܛܲܚ ܠܹܗ
ܗܵܐ ܥܘܼܦܪܵܐ ܪܘܝܼܚܵܐ ܐܲܢܹ̈ܐ ܐܝܼܠܵܢܹ̈ܐ
ܐܲܢܹ̈ܐ ܩܲܨܖܹ̈ܐ ܐܘܼܦ ܐܲܢܹ̈ܐ ܟܲܖ̈ܡܵܢܹܐ
ܕܡܵܢܝܼ ܝܢܵܐ ܟܲܕ ܠܹܐ ܝܢܵܐ ܕܕܝܼܝܲܢ
ܐܲܝܟܵܐ ܝܠܹܗ ܣܵܡܵܢ ܐܲܝܟܵܐ ܝܠܹܗ ܡܸܢܕܝܼܝܲܢ
ܡ̣ܢ ܚܸܛܹ̈ܐ ܐܲܚܟ̰ܝܼ ܪܹܝܚܲܝܗܝ ܒܸܕܥܵܝܘܼܗ
ܚܸܨܕܵܐ ܕܐ݇ܚܹܖ̈݇ܢܹܐ ܐܲܚܢܲܢ ܒܸܕܪܵܝܘܼܗ
ܒܸܕܪܵܝܵܐ ܝ݇ܘ݇ܚ ܩܵܠܹ̈ܐ ܦܘܼܡܲܢ ܨܸܗܝܵܐ ܝܠܹܗ
ܡ̣ܢ ܟ̰ܲܪܟ̰ܲܖ̈ܝܵܬܲܢ ܩܵܠܲܢ ܫܸܗܝܵܐ ܝܠܹܗ
ܢܵܬܝܵܬܹ̈ܐ ܕܐ݇ܢܵܫܹ̈ܐ ܡܸܠܝܹ̈ܐ ܝܢܵܐ ܟܬܵܢܵܐ
ܬܲܖ̈ܥܵܢܹܐ ܕܒ̣ܝܼܖܹ̈ܐ ܠܸܒܲܝܗܝ ܬܲܪܒܵܢܵܐ
ܡ̣ܢ ܕܸܦܢܲܝܗܝ ܥܒ̣ܵܪܵܐ ܝ݇ܘ݇ܚ ܠܹܐ ܝܢܵܐ ܒܝܕܵܥܲܢ
ܐܲܚܢܲܢ ܛܸܦܝܹ̈ܐ ܝܘܲܚ ܕܠܹܐ ܝܢܵܐ ܒܸܚܙܵܝܲܢ
ܐܲܚܢܲܢ ܒܸܓ̰ܗܵܝܵܐ ܘܐܵܢ̈ܝܼ ܒܹܚܵܝܵܐ
ܐܲܚܢܲܢ ܝܘܲܚ ܒܠܵܝܵܐ ܘܐܵܢ̈ܝܼ ܒܸܚܕܵܝܵܐ
ܗܲܠ ܐܝܼܡܵܢ ܒܸܬ ܗܵܘܹܐ ܗ̇ܘ ܒܵܒܲܢ ܣܵܒ̣ܵܐ
ܒܸܙܪܵܥܵܐ ܚܸܛܹ̈ܐ ܒܘܼܠܵܠܲܝܗܝ ܕܲܗܒ̣ܵܐ
ܗܲܠ ܐܝܼܡܵܢ ܒܸܬ ܗܵܘܹܐ ܥܲܠܲܢ ܒܸܨܒܵܪܵܐ
ܐܝܼܕܵܬܘܼܗ ܦܩܝܼܥܹ̈ܐ ܐܲܪܥܵܐ ܒܸܚܦܵܪܵܐ
ܗܲܠ ܐܝܼܡܵܢ ܒܸܬ ܗܵܘܝܵܐ ܡ̣ܢ ܟܹܐܦܹ̈ܐ ܫܘܝܼܬܲܢ
ܐܝܼܡܵܢ ܒܸܬ ܫܵܪܝܵܐ ܫܸܫܸܠܬܵܐ ܡܐܝܼܕܲܢ
ܒܸܬ ܡܲܩܘܸܚܲܚ ܗܲܠ ܢܵܦܵܣ ܐ݇ܚܵܪܵܝܬܵܐ
ܟܡܵܐ ܕܢܵܦܠܲܚ ܡܸܢ݇ܕܪܹܫ݇ ܒܪܵܚܛܲܚ ܡܫܵܪܵܝܬܵܐ
ܚܲܨܵܕܹ̈ܐ ܩܘܼܡܘܿܢ ܚܸܨܕܲܢ ܚܵܨܕܲܟ݂ ܠܹܗ
ܥܕܵܢܵܐ ܡܛܝܼܬܵܐ ܝܠܵܗ̇ ܢܝܼܪܲܢ ܫܵܡܛܲܚ ܠܹܗ
ܐܲܟܵܖܹ̈ܐ ܩܘܼܡܘܿܢ ܡܲܓܠܲܢ ܫܵܩܠܲܚ ܠܹܗ
ܥܕܵܢܵܐ ܡܛܝܼܬܵܐ ܝܠܵܗ̇ ܩܵܠܲܢ ܡܵܪܡܲܚ ܠܹܗ