Consa la magghia
Popularity · Low
YouTube
Searching YouTube...
Lyrics
Consa la magghia, consa lu tilaru,
Un filu jancu e un filu niru,
Comu di pagghia metti un filu d'oru,
'ntrizzulu 'nsemmula di paru.
Consa la tila di centu culuri,
Llestilu bonu stu muccaturi.
Non c'è riggettu ppi lu chiantaturi
Chi la simenza av'a scartari.
P'aviri frutti ginuini e puri,
'nsurca, simìna e a ccura o' bbivirari.
Ma si la terra ci metti lu cori
Na maravigghia po' spuntari.
Nui semu comu na scia di lampari
Unni si junci lu cielu a lu mari,
Comu na chiazza
Unni si 'ncontrunu li strati.
Na cosa ranni è stu nostru parrari,
Ricchizza 'i musica e palori.
Vinniru cca di fora e di lu mari,
Re, saracini, janchi e muri
E nni lassaru stu bellu cuntari
Di cantastori e carritteri.
Pigghia li megghiu cantati d'amuri
E li prijeri a lu Signuri,
Strammotti e banniati 'i piscaturi,
E canti e balli di lu travagghiari.
Sta gran ricchizza e sti gran tisori
'ntrizzili cu li nostri storii.
Nui semu comu na scia di lampari
Unni si junci lu cielu a lu mari,
Comu na chiazza
Unni si 'ncontrunu li strati,
Comu li campi 'mpastati di ciuri
Chi si cunfunnunu a menzu a li sciari,
Comu lu ventu
Chi pigghia e porta 'u so ciauriari.