Skip to content
Lyric
Dive
Public playlists
My playlists
Search
Sign in
داري يا قلبي
Ziad Ashraf
Popularity · Low
+
🇦🇪 Arabic · Original
0
0
YouTube
Searching YouTube...
Lyrics
Original
Translation
Bilingual
مالك مش باين ليه
قلبك تايه من مدة كبيرة
خايف تتكلم ليه
في عيونك حيرة وحكاوي كثيرة
متغير ياما عن زمان قافل على قلبك البيبان
حبيت وفارقت كم مكان عايش جواك
إحساسك كل يوم يقل بتخطي وخطوتك تذل
من كثر ما أحبطوك تمل فين تلقى دواك
بتودع حلم كل يوم تستفرد بيك الهموم
وكله كوم والغربة كوم والجرح كبير
ما بتديش حاجة إهتمام
أهلاً، أهلاً سلام، سلام
بقى طبعك قِلة الكلام ومافيش تفسير
داري، داري يا قلبي مهما تداري
قصاد الناس حزننا مكشوف
وأهو عادي، عادي ما حدش في الدنيا دي
بيتعلق بشيء إلا و فُراقه يشوف
كل اللي معاك في الصورة غاب
وطنك والأهل والصحاب
كم واحد ودع وساب من غير أسباب
شايف في عينيك نظرة حنين
بتحن لمين ولا مين
طول عمرها ماشية السنين والناس ركاب
مع دقة عقرب الساعات بتموت جوانا ذكريات
عشمنا قلوبنا باللي فات ونسينا نعيش
كان مكتوب نمشي الطريق
ونفارق كل مدى شيء
إتسرق العمر بالبطيء وارسي على مافيش
وداري، داري يا قلبي مهما تداري
قصاد الناس حزننا مكشوف
آه وأهو عادي، عادي ما حدش في الدنيا دي
بيتعلق بشيء إلا و فُراقه يشوف
و في ليلة سرحت في اللي راح
دمعت وصحيت الجراح
ما بقاش بيساعك البراح ولا يملى عينيك
في الدنيا ياما جرى ما بتمشيش بالمسطرة
ضحكت لك ولاّ يا ترى ضحكت عليك