Mat Dijo Mavadli Ne Dosh
Prakash Gandhi
Popularity · Low
YouTube
Searching YouTube...
Lyrics
भाई रे, मत दीज्यो मावड़ली ने दोष
करमा री रेखा न्यारी न्यारी
भाई रे,, एक पिता रे पुत्र चार, चारयाँ करणी न्यारी न्यारी
भाई रे, पहलो राजाजी रे दरबार, दूजोड़ो हीरा पारखी
भाई रे, तीजो बाजारा हाट, चोथोड़ो फिर कोड़ियाँ
भाई रे, मत दीज्यो मावड़ली ने दोष
करमा री रेखा न्यारी न्यारी
भाई रे, एक माटी रा बर्तन चार, चारयाँ री रेखा न्यारी न्यारी
भाई रे, एक माटी रा बर्तन चार, चारयाँ री रेखा न्यारी न्यारी
भाई रे, पहले में दहिड़लो बिलोय, मुशाणा (शमशान) दूजों जाय लियो
भाई रे, तीजो पणिहारा रे शीश, चोथोड़ो हरदम बाजणों
भाई रे, मत दीज्यो मावड़ली ने दोष
करमा री रेखा न्यारी न्यारी
भाई रे, एक गऊँ के बछड़ा चार, चारा री करणी न्यारी न्यारी
भाई रे, एक गऊँ के बछड़ा चार, चारा री करणी न्यारी न्यारी
भाई रे, पहलो सुरज जी रो सांड, दुजोड़ों शिव रो नांदियों
भाई रे, तीजो घाणी आळो, चोथोड़ो बिणजारो लादियों
भाई रे, मत दीज्यो मावड़ली ने दोष
करमा री रेखा न्यारी न्यारी
भाई रे, एक बेल रे तुम्बा चार, चारा री करणी न्यारी न्यारी
भाई रे, एक बेल रे तुम्बा चार, चारा री करणी न्यारी न्यारी
भाई रे, पहलो तो सतगुरु जी रे हाथ, दुजोड़ो जमुना बवियों
भाई रे, तीजो तम्बूरा रे बीण, चोथोड़ो भिक्षा माँगनो
भाई रे कह गया दास कबीर, कर्मा रा भारा मेटियों
भाई रे, मत दीज्यो मावड़ली ने दोष
करमा री रेखा न्यारी न्यारी