Varamanjaladiya (Female Version)
Popularity · Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
വരമഞ്ഞളാടിയ രാവിൻ്റെ മാറിൽ
ഒരു മഞ്ഞുതുള്ളിയുറങ്ങീ
നിമിനേരമെന്തിനോ തേങ്ങീ നിലാവിൻ
വിരഹമെന്നാലും മയങ്ങീ
പുലരിതൻ ചുംബന കുങ്കുമമല്ലേ
ഋതു നന്ദിനിയാക്കീഅവളേ പനിനീർമലരാക്കീ
വരമഞ്ഞളാടിയ രാവിൻ്റെ മാറിൽ
ഒരു മഞ്ഞുതുള്ളിയുറങ്ങീ
കിളി വന്നു കൊഞ്ചിയ ജാലകവാതിൽ
കളിയായ് ചാരിയതാരേ
മുടിയിഴ കോതിയ കാറ്റിൻ മൊഴിയിൽ
മധുവായ് മാറിയതാരേ
അവളുടെ മിഴിയിൽ കരിമഷിയാലേ
കനവുകളെഴുതിയതാരേ
നിനവുകളെഴുതിയതാരേ
അവളേ തരളിതയാക്കിയതാരേ
വരമഞ്ഞളാടിയ രാവിൻ്റെ മാറിൽ
ഒരു മഞ്ഞുതുള്ളിയുറങ്ങീ
നിമിനേരമെന്തിനോ തേങ്ങീ നിലാവിൻ
വിരഹമെന്നാലും മയങ്ങീ
മിഴി പെയ്തു തോർന്നൊരു സായന്തനത്തിൽ
മഴയായ് ചാറിയതാരേ
ദലമർമ്മരം നേർത്ത ചില്ലകൾക്കുള്ളിൽ
കുയിലായ് മാറിയതാരേ
അവളുടെ കവിളിൽ തുടുവിരലാലേ
കവിതകളെഴുതിയതാരേ
മുകുളിതയാക്കിയതാരേ
അവളേ പ്രണയിനിയാക്കിയതാരേ
വരമഞ്ഞളാടിയ രാവിൻ്റെ മാറിൽ
ഒരു മഞ്ഞുതുള്ളിയുറങ്ങീ
നിമിനേരമെന്തിനോ തേങ്ങീ നിലാവിൻ
വിരഹമെന്നാലും മയങ്ങീ
പുലരിതൻ ചുംബന കുങ്കുമമല്ലേ
ഋതു നന്ദിനിയാക്കീ അവളേ പനിനീർമലരാക്കീ