Back to the Creator

Joe Mabotja

Popularity · Low

Original

Listen

YouTube

0:00 / 0:00

Loading YouTube player...

Lyrics offset

Synced

Lyrics

Boela go mmopi wa gago Boela go Modimo wa gago Ge o bolela ka molomo wa gago ore Jesu ke Morena Gomme o dumela ka pelong ya gago gore Modimo o mo tsošitše bahung O ka se lahlege, o tla phološwa Boela go Modimo Naa Mabotja nkane a duletše go bolela ka Jesu Ge are re boele go Modimo? Jesu ke yena lentšu Dilo tše ka moka di dirilwe ka yena Pele maJapan a eba gona lefaseng, Pele maSpanish a eba gona lefaseng, Pele United Nations le Lecoq Nations di ba gona Pele boSekhukhune le boShaka ba eba gona Pele dithaba tša Drakensberg di eba gona Pele mabjang le diphepheng diba gona Pele ga ge lefase le hlolwa, In the begging Lentšu, elego yena Jesu Kriste obe a dutše ale gona, a le go Modimo Ebile ka bo yena ele Modimo Lebantšha Modimo o mmotše ore ke beile tšeo ke di ratago pele Wena ka go beya mafelelong Ke beile company yeo ke e shomelago pele Ke beile dikgwebo tšaka pele Ke beile molekani waka pele Ke ikgaogantšhitše le thapelo, ke busy Ke busy ka merero ya lefase le, ke beile yona pele Ntshwarele Morena, ke a sokologa, ke a fetoga Ke boela go wena Morena Tsena ka pelong yaka, dula ka gare gaka o ntlhatswe bokgopo bjohle O nkapeše ka maatla a moya o mokgethwa Ke tlhatlhwe ke moya o mokgethwa Ke laolwe ke yena. Modimo o thomile go go bontšha lerato la gagwe Mola o fitlhang lefeseng le Go phela ga gago mola masea a feta, Go bontšha gore Modimo ona le morero ka wena Gopola tšohle tše o di dirileng kgahlanong le thato ya Modimo, Go tloga bonnyaneng bja gago O tsene ka gare ga dinotagi, o tsene ka gare ga diokobatši Fela Modimo ano go šireletša go fihla lehono le, O tsene ka gare ga bo otswa, O radiile molekani wa gago ka goba le maratano aka thoko Fela Modimo o sa go babaletše O sa babaletše lapa la gago O lekile go rakiša batho mošomong, ba bangwe o phomeletše Ba feletšwe ke mošomo, fela wena o sa šoma Lege ka bowena o dira diphošo Gomme o di phologa O phumile malapa a batho ka leleme la gago Fela wena la gago lapa le sa gaugetšwe O fetile ka gare ga dikebekwa, gomme tša se go dire selo O wetše kotsing ya sefatanaga, fela Modimo a go phološa O thuntšhitšwe ka diGol tša go bonagala Fela le lehono le, o sa phela Swikiri yeo nkabe ele kgale ego bolaile High blood pressure yeo nkabe ele kgale ego tlošitše O phetše ka kankere yeo nako ye telele TSEBA, ge o ipona o sa phela bjalo Modimo o sana le morero ka wena Boela go Modimo, Back to the Creator Ge re tsoga mesong ka nako ye nngwe re no tsupologa ra hlapa Ra tšwa ra ya mošomong Re sepela jwalo ntle le go bolela le Modimo pele Mošomo ouwe o go tšeere kae? Re nyadiša bana re se re bolele le Modimo ka manyalo ao pele Re belega bana ra no ba godiša Ntle le go ba kgopelela bophelo go Modimo Gomme bana ge ba fetoga dilo fela bophelong re a makala Re amogela mašeleng mešomong ya rena mafelelong a kgwedi Gomme re no thoma le go a rothotha re sa tsebiše Modimo selo Morago ge re sa bone tše re di dirago ka mašeleng a, re a makala Re aga dintlo goba re a di reka Ra tsena ka gare ga tšona ra dula, Ra reka dikoloi ra thoma le go tsena ra otlela Gomme ra se leboge Modimo ka tšohle tšeo Ra se tsentšhe Modimo felo Ra ipotša gore ke maatla a mphufotšo'a phatla tša rena Ge ore yalo go swana le ge o botša Modimo gore Wena gao nyake motho wa go tlo hlwa a tsenatsena taba tša lapa la gago O botša Modimo!!! Ge re Kgetha balekani, re kgetha bagwera Re nyaka mešomo, re nyaka dikgwebo Ga re reriše Modimo ka selo Ga re meme Modimo go tšeo re di dirago Re itirela ka bo rena, mafelelong manyalo a rena a tekateka Re wela ka gare ga segwera se sebe, Re aga dikgwebo tša go se hlamatsege Maphelo a rena gaa felele felo Ka gore ga rea beya Modimo felo!!! Ge o sa beye Modimo felo, o bopilwe ke mang? Boela go Modimo wa gago, Boela go Mmopi wa gago!! O kgopišane le moagišane, Boikgogomošo bo go botša gore ge o kaya wa mo kgopela tshwarelo O katla wa itelediša ka yena Ngwaneno o go kgopišitše, ga oye go yena la rarabolla bothata bjoo O ipoditše le gore o ka se saya mahung a leloko Ka gore gao nyake go kopana naye Gona le mošomi ka wena wo a wetšego bothateng, O kgauswi le go rakwa mošomong Ka ge a kile a go kgopiša, O thakgaletše ge a sekišwa ebile o duma ge aka rakwa TSEBA megopolo ye o nang le yona ka moka hlaloganyong ya gago, E tlišwa ke yo o šikago naye ka mehla elego SATANE Ge o amogetše Jesu Kriste ka pelong ya gago O tla šika naye Satane yaka lenaba ka gago Kaogana le Satane o boele go Mmopi wa gago BACK TO THE CREATOR Bible ere lehlogonolo la mofi le feta la mofiwa Ka nako ye nngwe re šomiša tšhelete tša rena go dinyakwa tša rena fela Re di šomišetša grocery tša rena, re di šomišetša go lefela furniture Re di šomišetša go tšhela makhura ka dikoloing tša rena, Re di šomišetša go lefela boithabišo Gomme ka Sontaga raya ra fa Modimo tšhentšhi Modimo o re file mešomo, Fela mafello a kgwedi ge re amogela megolo ya rena Re išomišetša dinyakwa tša rena pele, Morago ra iša tšhentšhi go Modimo Go kwa Lentšu la Modimo wa se le tšeye ka tumelo, Ga go tlo go hola ka selo ngwanešo O kaya kerekeng o apere botse kudu o nkga bose, o lebelelega O swere Bible ya go phuthelwa ka mekgabišo ye me botse Fela ge Lentšu la Modimo le kare le rutwa Wa se dumele go lona, wa le ngangiša, Wa le hlokomologa, o itshenyetsa nako!!!! Ge o sena tumelo, O tlilo dikologa naga ya tshephišo mengwagangwaga, Jwalo ka bana ba Israele O sa fihle go yona TUMELO ye, ke go kgolwa tše re sa di bonego Ke go holofela go tšeo re kgolwago gore di tla direla Boela go Modimo wa gago Bible ere kgane ga le tsebe ge mebele ya lena Ele tempele ya Moya o mokgethwa wo o phelago mo go lena? Wo le go filwego ke Modimo? Gape ga le sale ba lena beng Ge o phološwa Modimo o go fa moya o mokgethwa wa phela ka gare ga gago A go hlahla, a go ruta go hlokomela go tšohle Ka fao mmele wa gago ke ntlo yeo Moya o mokgethwa o dulago ka gare ga gona Ntlo tša rena mo re dulago ge go fihla nako ya Kresemose, Di a pentwa, tša ba botse Di jarata tša ageletšwa ka mabota a mabotse Le diGate tša maatla kgogedi Ka gare gwa hlwekišwa ka mehla, magae a rena a dula a kgahliša Naa mebele ya rena re e swara bjalo naa?? Naa mebele ya rena re išomišetša bokgethweng naa?? O fepa mmele wa gago ka eng?? O iša mmele wa gago mafelong a mohuta mang?? O kgabiša mmele wa gago ka eng?? Naa mmele ouwe wa gago ge o go lebelletše o kgahla Modimo naa?? Boela go Modimo Back to the Creator Bible ere le tlogeleng metsoto le kgalefo Le swele le mašata le lesebo le lehloyo ka moka Ka nako ye nngwe o fela pelo ge ole ka gae Maloko a lapa ka moka a felletša a go tšhaba, ba go lakalela O felafela pelo ka lefela Ka nako ye nngwe bašomi ka wena bao ba šomago ka fase ga gago, Ga ba dume go ba kgauswi le wena Ka baka la pefelo ye e tletšego ka gare ga gago TSEBA, yo mobe ke yena a go hlohleletšago Go phela bophelo bja mohuta ouwe Wena o ipotša gore o strict, o swere tsela ya nnete O swere tsela ye botse, kganthe o hlohleletša ke Satane Satane ke yena a laolago bophelo bja gago Ka nako ye nngwe tše dingwe tša tšeo o di dirago, Ga se tšeo o nyakago go di dira Fela o gapeletšwa ke moya o mobe wo o lego ka gare ga gago Boela go Mmopi wa gago Back to the Creator!!!!