Aakaashee Gangaa
Popularity · Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
আকাশী গংগা বিচৰা নাই
নাই বিচৰা স্বর্ণ অলংকাৰ
নিষ্ঠুৰ জীৱনৰ সংগ্রামত
বিচাৰোঁ মৰমৰ মাত এষাৰ
আকাশী গংগা বিচৰা নাই
মহা মহা সাগৰৰে কতনা লহৰ লেখিলোঁ
মহা মহা নগৰীতে কতনা বাট হেৰুৱালোঁ
মৰম জ্যোতিৰ পম খেদি খেদি
বোৱালোঁ গুপুতে অশ্রুধাৰ
হয়তো নিতৌ হেজাৰজনৰ
হেজাৰ শৰাই পাম
তথাপি কিয় বিশেষজনৰ
মৰম বিচাৰি যাওঁ
মহা মহা নাটঘৰে ঘৰে
কণ্ঠ-শোণিত নিগৰালোঁ
মহা মহা শ্রোতা-জনতাৰে
মুখত হাঁহি বিৰিঙালোঁ
ক্ষণিত মৌন পৰত কোনেনো
পাতলাব মোৰ দুখৰে ভাৰ
আকাশী গংগা বিচৰা নাই
নাই বিচৰা স্বর্ণ অলংকাৰ
নিষ্ঠুৰ জীৱনৰ সংগ্রামত
বিচাৰোঁ মৰমৰ মাত এষাৰ
আকাশী গংগা বিচৰা নাই