Du Temps De Ma Grand-M Re
Popularity · Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
El progrès tous les djoûs, s'avance
Chaque djoû vwat n'nouvèle indvinction
Les marchands, pou s'fé l'concurance
Fasse-tè dè l'rèclame pa miyons
On vwayadge in otomobile
In arèoplane, in balon
Les tchvaus sont dèvnus inutiles
Pou les tchèrètes, pou les camions
Mais du tamps dès m'grand-mére
On n'parlout nîn d'tout ça
On cwayoût à sorcières
On alvoût ses pourchas
On fzoût ses commissions
Pau train des cordonîs
Pou daler deûs eûres lon
On daloût co à pîds
L'eûre d'audjourdû, grâce al twalète
Tous les djins sont dèvnus monseûs
Toutes les feûmes mète des vwalètes
On nè rcounwat pus les bribeûs
Mètnant, pou abiyî n'djonne fîye
Faut des trèsses, i faut des chichis
Les plus lédes sont cofoûrt djolîyes
Grâce à l'odeûr dèl poude dè riz
Mais du tamps dès m'grand-mére
On n'parlout nîn d'tout ça
Pou fé chèrvi d'jaretiére
On mtoût in bleû cordia
On savoût fé s'twalète
Avû in chale à fleûrs
Ene pètite sandrinète
Èy in ptit scoû d'couleûr
Pou les omes come pou le coumères
Yeûss ètou vont avû l'progrès
Is sont dèvnus télemint si fières
Qu'i n'faut pus qu'des places d'ampwayès
Byin des ouvrîs, pindant l'sèmène
Sont abiyîs come des barons
L'tayeûr, souvint, dwat s'mète in pène
Pou fé n'poche po muchî l'flacon
Mais du tamps dès m'grand-mére
On n'parlout nîn d'tout ça
Pou l'dîmince, em grand-pére
N'a jamés yeu d'capia
Il avoût in sauro
Ene waute casquète dè swa
A ses pîds des chabots
I stoût fiér come in rwa
Mètnant, on mèt les èfants à scole
Duscu'invî quatorze èt quinje ans
On leû foûre toutes sortes dins l'boussole
Dviène t'injènieûrs ou bîn jèrants
Tous lès èfants sont sâdjes come des lîves
I n'da pus qui pâle tè walon
On n'counwat pus l'poréye d'indives
I n'faut pus qu'des grîves èt du saumon
Mais du tamps dès m'grand-mére
On n'parlout nîn d'tout ça
Bîn râremint, dins l'soupiére
On trouvoût in ocha
On daloût à lèscole
Al fosse dè Saint-Bouvî
Adon, çou ç'qu'astoût drôle
C'ît d'vîr in ome instwît
Em grand-mére, pou alver s'famîye
A yeû mile rûje, mile z'imbaras
Il avoût, quate garcons, quate fîyes
Çu qui fzoût ddjà in bia moncha
Mais quand ç'astoût l'nouvèle anéye
Ou bîn l'souper dèl nûtt des rwas
I faloût vîr ça, que tricléye
On trouvoût rèyunîye doûlà
Mes mononkes, mes matantes
Mes cousines, mes cousins
On stou co pu q'quarante
Il avoût d'l'amûsemint
On dansoût s'rigodène
Pou amûser m'grand-pé
On tchantoût chacun l'ciène
Dvant dè s'mète à souper