Trinacria
Popularity · Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
Che la me terra sapi di limuni e mannarinu
D'aranci russi, di gelsominu
Ciuri di mennula a lu sbucciari
Chi le me terra sapi di cielu e mari
E 'nta sta terra ci hannu misu tanti mani
Tra li normanni, li saraceni
La Grecia antica e li romani
Ma divintaru tutti quanti siciliani
Picchì sta terra mi la portu 'nta lu cori
E si ci nasci prima o poi ci voi turnari
Picchì si in paradisu iu nun c'avissi a ghiri
Lu paradisu è 'sta me terra e stu me mari
Maria, prega pi mia
E quannu scinnu a lu paisi c'è 'na festa
Me matri aspetta a la finestra
E li manciati cu li parenti
Addumannari "Chi si dici in cuntinenti?"
U' sugnu certu Verga, Sciascia o Pirandello
Ma c'aiu sta penna e stu cervellu
E mi la portu dintra a lu pettu
Ca m'ha 'nsignato la pacenza e lu rispettu
Picchì 'sta terra tantu bella e tantu amara
Avi 'na manu chi travagghia e n'atra spara
Ma la duminica la chiesa è sempre china
La stessa manu fa la cruci ogni matina
Maria, prega pi mia
Picchì sta terra mi la portu 'nta lu cori
E si ci nasci prima o poi ci voi turnari
Picchì si in paradisu iu nun c'avissi a ghiri
Lu paradisu è 'sta me terra e stu me mari
Maria, prega pi mia
Na lu me cori, na lu me cori
Na lu me cori, sempri cu mia
Dintra a stu cori, dintra a stu cori
Dintra a stu cori, sempri cu mia
Sempri cu mia, sempri cu mia
Sempri cu mia