Le discours du président
Popularity · Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
S leqder i refdeɣ awal
Zdat kra id-isellen
Ger-aneɣ ur yettili cwal
Tagmatt iɣ-d-ifetlen
Tesduklaɣ s tevbaylit
S leqder i refdeɣ awal
D aselway id-yerran tiɣri
Amezruy mi d as-d-yessawal
Yerna acemma ur t-idduri
S nnig yiseɣ n teqvaylit
Nvedd ad necqiṛṛew uzzal
Ad nesseɣres snasel
Iɣ-yeǧǧan akka nettazal
Nesarram yiwen ad ɣ-d-yessel
Nteddu deg iḍ deg uzal
Avrid nneɣ dayen insel
Tezṛam akw d acu id-mazal
I tegduda Taqvaylit
Wagi d awal n uselway
Ur ittuɣalen ar deffir
Deg imɣi n tissas yesway
Iggul ar d atteferfir
Tileli s teqvaylit
Wagi d awal n tlelli
N usirem id aɣ-izedɣen
Ssel-as-d a yal aqvayli
Ili-k seg wid isasɣen
Iveddi s teqvaylit
Afus deg'fus ad naru
Amezruy-nneɣ s tafat
Yis-s i neččur yal asefru
Swayes avrid nufa-t
Nteddu mebla akukru
Ger-aneɣ aɣilif nenfa-t
S tugdut ar nferru
Tilufa n teqvaylit
Wagi d awal n weɣref
I ɣef d-sekkṛen tibbura
Ayɣer leǧnas at wezref
Ad vedden akw ger tmura
Ḥala mmi-s n teqvaylit
Wagi d awal n weqvayli
Vu wul zeddigen am aman
Yerfed tayri n tlelli
Yessaɣay-itt (ɣe)f iɣerman
Izewri-ten s teqvaylit
Wagi d awal n wakli
I yezwin kra it-yurzen
Ikker ad yidir d ilelli
Ad yeǧǧ tudert n yizan
Azaglu d win ittwali
Ivedd kan s wid inzan
Ass-a aɣref aqvayli
Izdi lqed s Teqvaylit