Skip to content
Lyric
Dive
Public playlists
My playlists
Search
Sign in
ناس بترقص و ناس بتموت Nas Betoros We Nas Betmoot
Cairokee
Popularity · Low
+
🇦🇪 Arabic · Original
0
0
Listen
YouTube
1
2
3
0:00 / 0:00
Loading YouTube player...
Lyrics offset
Synced
Lyrics
Original
Translation
Bilingual
الحقيقة واضحة وضوح الشمس
لكن ممنوع الإقتراب أو اللمس
كلمة الحق في زمانا إنتحار
لو قلتها تبقى ماشي عكس المسار
عندى بدل الأمارة ألف أمارة
مالكوم إكس وغاندي وتشي جيفارا
ماتوا بالرصاص عشان حسوا بالناس
قال إيه كانوا عايزين العدل يكون أساس
جرب تقول حرية أو عدالة إجتماعية
جرب تقول مساواة أو كرامة إنسانية
جرب تقول حقوق إنسان أو تعارض النظام
أوعى تفكر، تفكيرك خط أحمر
أخرك هتقدر تاخد عيش
عشان يسكتوك مش عشان تعيش
ولو صممت تمشى عكس الناس
الإجابة هتكون بالرصاص
ناس بترقص وناس بتموت
وأعلى صوت في الحفلة صوت السكوت
ناس بترقص وناس بتموت
وأعلى صوت في الحفلة صوت السكوت
الجهل وحش ومن صناعة الأنظمة
سلاح بينفع في كل الأزمنة
إدي الناس سمكة هياكلوا يوم
علم الناس الصيد هياكلوا كل يوم
العلم نور والنور علينا مش بيعدي
عايشين في ضلمة والضلمة ياما بتخبي
قتل حبس دم، فساد وظلم
إغتصاب لأي حلم، عايشين في سجن
ومع الوقت كل حاجة بتعدي
أكل العيش صعب بيخلي العقل يصدي
والخوف ساكن قلوب الناس
وبيقتل جواهم الإحساس
يا أهالينا المستقبل لينا
ما تبقوش أنتوا والزمن علينا
جيلكم ساكت ولا عمره إتكلم
دلوقتي جاي ينظر ويعلم
آن الأوان الراية تتسلم
ناس بترقص وناس بتموت
وأعلى صوت في الحفلة صوت السكوت
ناس بترقص وناس بتموت
وأعلى صوت في الحفلة صوت السكوت