Paolo pusti
Popularity · Low
Listen
YouTube
0:00 / 0:00
Loading YouTube player...
Lyrics offset
Synced
Lyrics
Paolo pustì, Paolo pustì
A la desfàt ol muturì
L'è 'ndàcc de onda sura ü dòs
Spaca sirciù e spaca òs
L'ültima 'nvensiù de chi d'ol cümü
E del carusér Giacumì Satù
Paolo pustì, Paolo pustì
Öndes e mèza l'ìa zamò dré a finì
Adès invece l'è cambiàt töt
Ier poc al ga manca c'al vaghe a scöt
Ön A.G. töt vert per ön albanés
L'è gnìt a firmal co' la tranzenös
Ma lü 'l sa regorda de la Mariana
Che l'era la fonna d'ol marengù
Lü 'l ga purtàa la Famiglia Cristiana
E lé 'llo strüsàa det in d'ol curidùr
E 'l sa regorda de la Maria Concetta
Ca l'ia la moér dü carabinièr
Lü 'l ga purtàa la rivista di NAS
E quando al gnìa fò a l'ia cumpagn dü stràs
Paolo pustì, Paolo pustì
Nemico giurato del cà d'ol stradì
Chel là 'l ghè riàt a sbrindelaga i calsì
E lü 'l ga tunàt col catalogo Bon Prix
L'è stàcia öna guèra onesta e sincera
Fin quando che 'l cà a 'lla stincàt la coriera
Paolo pustì, Paolo pustì
Al ga sa töt chel chel l's pöl saì
Chi chi sa spusa, chi chi va e chi resta
Chi ca l'è mort e chi chi fa festa
Chi chi vota fascista, chi ca i è i comunisti
E chi che 'l stipendio i 'llo fa fò a cales misti
Ma lü 'l sa regorda la fonna de Rino
Che la matìna l'ìa lé prunta a ströcàl
E lü 'l sè mai niscursìt che l'Alpino
A lìa ü mensìl e mìa ü setimanàl
E 'l sa regorda po a de chèl deficiente
Che 'l cuntrulàa i bolète a töt ol paìs
E l'ünec laùr chel cresìa veramente
I era i so coren al dés d'ol mìs.