Skip to content
Lyric
Dive
Public playlists
My playlists
Search
Sign in
I guerrieri
Chjami Aghjalesi
Popularity · Low
+
Original
0
0
Listen
YouTube
1
2
3
0:00 / 0:00
Loading YouTube player...
Lyrics offset
Synced
Lyrics
Original
Translation
Bilingual
Centu milla guerrieri anu francatu a bocca
Tutti vestuti di lume cun trumbette è cun tamburi
Facenu trimà la terra, chì seranu l'auguri?
Centu milla guerrieri anu francatu a bocca
Fissanu un puntu luntanu, a vittoria chì s'avvicina
U nemicu soffrerà, sterperanu u so locu
Pè dì qual'hè u maestru, diceranu cù u focu
Fissanu un puntu luntanu, a vittoria chì s'avvicina
Ma daretu à l'armata l'ultimu hà passu stancu
Carcu à sudore è sangue trascina a so miseria
Luntanu dananzu à ellu c'hè una musica guerriera
Ma daretu à l'armata l'ultimu hà passu stancu
Lu so cantu hè di silenziu è la so parolla hè muta
Pensa à ciò ch'ùn hè più, per ùn sente ogni sassu
Di stu caminu di croce chì ormai hè u so chjassu
Lu so cantu hè di silenziu è la so parolla hè muta
Ma sintite la mio voce, sintite la mio canzona
Per l'ultima umanità è per l'ultimu suldatu
Li so guai, lu so sangue, lu so passu trascinatu
Hè per ellu, ellu solu ch'eu cantu sta canzona
Ma sintite la mio voce, sintite la mio canzona
Per l'ultima umanità è per l'ultimu suldatu
Li so guai è lu so sangue, lu so passu trascinatu
Hè per ellu, ellu solu ch'eu cantu sta canzona